முதுகு கிழிந்த சட்டை

கதவு மூலையில் கிடந்த
குதி நீண்ட ஒற்றைச் செருப்பு

சீப்புப் பற்களில்
சிக்கிக் கிடந்த ஒரு நீண்ட முடி

குப்பைக் கூடைக்குள்
கிழிந்து கிடந்த ஒரு ஆணுறை

கட்டிலில் கிடந்த
காய்ந்து கட்டியாகிய சில துளிகள்

போன்ற சில மிச்சங்கள்
போதுமாகியிருக்கின்றன
குற்றவாளியாக நான்
கூணடில் நிற்பதற்கு.

எனது சட்டையைப் பற்றி
யாரும் சட்டை செய்யாததால்
கிழிந்தது கிழிந்ததாகவே
கிடக்கிறது முதுகுப் பக்கம்.

30/01/2017

இந்த ஒக்டோபரோடு இருபத்தைந்து வயசாச்சு..

யானை பிடித்து வந்து
யாழ் தேவியில் ஏற்றி
கோட்டையில் விற்று
கொடி கொட்டிய வனிகத்தை
பெருங்காட்டில் செய்து
பெருமை கண்ட பூமி

ஆளுக்காள் வயல் வெட்டி
ஆளாக்கு நெல் விதைத்து
அருவடையில் பங்கு வைத்து
அனுபவித்த பொன் பூமி

கடை வைத்துக்
காலம் கடத்தி

கட்டுக் குளத்தில்
கால் கழுவிக்
கடமை செய்து

தொண்மைக் குடிகளாய்
தொழில் செய்த பூமி

பொன்னர் வந்து
போங்கடா என்ற போது
வாயடைத்துத் திரும்பிய
வாழ வைத்த பூமி

இன்றோடு முடியும் என்று
இருக்கும் வரை நம்பி
இறந்து போன
என் பாட்டனார்
ஏர் பிடித்த பூமி

இழந்தோமே - தவிர
இழிந்தோமில்லை

ஈமானால் உயர்ந்தோம்
இனிதே மீண்டோம்

பாதகம் நடந்து
பல வருடம்
பறந்து போச்சு

இந்த ஒக்டோபரோடு
இனத்துவேசம் செய்த
ஈழப் பேடிகளின்
இழிவுச் செயலுக்கு
இருபத்தைந்து வயசாச்சு..
10112015

சமத்துவம் ஒழியட்டும்....

சிகரட்டும்
சீனி போலையும்
ஒரே கடையில்
ஒன்றாக விற்பதுதான்.....

சமத்துவம் என்றால்....
சமத்துவம் ஒழியட்டும்....

20150905

சுகம்.... ஆனா ... சுகமில்லை.....

மூக்கின் சுவர் 
முகத்தை தொடும் 
பள்ளத்தாக்கில் வந்தது 
பரு ஒன்று..

20150826

எப்படியோ தோற்றிருக்கிறேன்.

ஓலையால் வேய்ந்த
ஓட்டைக் குடிசையாய்
ஒரு குசினி....

எட்டி எட்டி 
எத்தனை முயன்றிருக்கிறேன்...

எத்தனித்த பொழுதெல்லாம்
எப்படியோ தோற்றிருக்கிறேன்...........

கிடுகின் வழி வரும்
கீற்றைத் தொடும் முயற்சியில்.....

1210
08122014

தயவு செய்து தள்ளி இரு....

தயவு செய்து
தள்ளி இரு....

நினைவில்
நீ வந்து..... 

தொழும் போது
தொல்லை செய்யாதே....

20150812

feeling அசௌகரியம்

கட்டுக்கடங்காத
காளை மாட்டை
கக்கூஸ்ல போக சொன்னா
கதை முடியுமா.????

அது போல.....
கவட்டுல
காத்துப் பட
கட்டுன சாரத்தையும்
கலாசாரத்தையும் மாத்தி
கலிசான் போட சொன்னா.....

20150811