எனக்கு பாற்சோறு வேண்டாம்
வாழைப் பழங்களை
குப்பையில் போடுங்கள்
உங்கள் கூடாரங்களை
தீயூட்டி அழியுங்கள்
முப்பது வருடமாய்
முற்றிப்பழுத்த போரை
முடித்து விட்டதாய்
மொத்தமாய் மகிழாதீர்கள்
வெரும் நிலத்தையும்
நிலத்தின் மீதான புற்களையும்
புற்களீன் மேலான மரங்களையும்
மீட்டி விட்டதில்
மகிழ்வதற்கு ஒன்றுமில்லை
விடியலின் மடியில்
குயிலின் கூவலும்
வெயிலில் வியர்க்கையில்
காக்கையின் கரையலும்
இரவின் இருளில்
கூகையின் குளறலும்
கொண்டாடி மகிழ்ந்து
கொண்டோடி மறைந்த
எந்தையின் தாயின்
மூத்த மேதைகளின்
மூச்சுக்கலந்த காற்றைத் தருவீரோ ???
அவர்
மூழ்கி எழுந்து
முழுக்ககற்றி
முந்தானை பிழிந்து
முழுதுமாய் மறைத்து
கரையேரிப் போன
கால்தடம் பதிந்த
கரைகளைத் தருவீரோ ???
ஈமானைச் சுமந்து
ஈரக்கரை வழியே
புத்தளத்து மண் வந்து
புதை குழிகளில் சங்கமித்தோரை
மீசான்களோடு அகற்றி
மீள்குடியேற்றுவீரோ ???
பலஸ்தீனம் எரிகையிலே
பாற்சோறு வேண்டாம்
பாலகர்கள் மரிக்கையிலே
பாற்சோறு வேண்டாம்
பள்ளி நிலம் அழிகையிலே
பாற்சோறு வேண்டாம்
எனக்கு பாற்சோறு வேண்டாம்
வாழைப் பழங்களை
குப்பையில் போடுங்கள்
உங்கள் கூடாரங்களை
தீயூட்டி அழியுங்கள்
